Cumaaqşamı künü, 23 noyabrde Qırım evi Qırımtatar tili milliy korpusınıñ taqdimini keçirdi.
‘Qırımtatar til korpusı- elektron şekilde metinler toplamıdır. Onıñ sayesinde tilni tetqiq etmek mümkün. Bazada qırımtatar tilinde bediy, publitsistik, ilmiy metinler mevcuttır’,- qayd ettiler tedbirniñ teşkil eticileri.
Tedbirni ukrain jurnalisti, “Украинская правда» (‘Ukrain haqiqatı’) onlayn neşriniñ baş muarriri Sevgil Musayeva alıp bardı. Diger spikerler:
Eldar Omsanov, leyha koordinatorı, «QIRI’M YOUNG» CT reisi
Tamila Taşeva, QMH Prezidentniñ daimiy temsilcisi
Feliks Baumann, Ukrainada İsveçre elçisi
Viktor Lãh, Şarq Avropa Fondunıñ prezidenti
Vladimir Tarçinskiy, Ukrainanıñ vaqtınca işğal etilgen territoriyalarnıñ reintegratsıya meseleleri boyunca Nazirlikniñ vaqtınca işğal etilgen territoriyalar ve informatsıon suverenitet Departamentiniñ müdiri
Abibulla Seit- Celil, Taras Şevçenko adına Kiyev milliy universitetiniñ türkologiya kafedrasınıñ assistenti
Suleyman Mamutov, BMT(OON) tamır halqlar boyunca Daimiy Forumnıñ azası
Alim Aliyev, Ukrain institutınıñ baş müdir muavini, ‘Qırım İnjiri’ ukrain-qırımtatar edebiy yarışnıñ tesisçisi
Mustafa Ametov, ‘Qırımtatar tiliniñ ikişaf institutı’ Cemaat birleşmesiniñ reisi.
Hatırlatamız ki, QRM Qırımtatar tili Milliy korpusı leyhası üzerinde çalışmağa başlağan «QIRI’M YOUNG» cemaat teşkilãtını destekley. 2022 senesi dekabr ayında QRM qırımtatar tiline 2 halqara vesiqanıñ tercimesini teslim etti- İnsan haqları umumiy Deklaratsıyası ve İnsan haqları ve esas serbestliklerini qoruv Konventsiyası.
Fotо: Qirim Media