QRM ‘Adlarnı qaytarmaq- Qırımnı qaytarmaqtır’ informatsıon kampaniyası çerçivesinde ukrain biznesinen işbirlikni başlay.
QRM Qırımda tarihiy adaletniñ tiklenilmesi ne qadar emiyetli olğanını defalarca qayd etken edi. Kerçekten de, yarımadada coğrafik adlarnı deñiştirüv siyaseti Ukraina tamır halqlarına ve Ukrainanıñ özüne büyük zarar ketirdi.
İşğalcılar bar küçünen Ukraina tamır halqlarnıñ yarımadanen bağlarını üzmege, kerçek tarihnı yañıdan yazmağa ve ‘Qırım her vaqıt rusiyeniñki’ olğanını isbatlamağa tırışalar.
Bugünde bugün Qırım toponimikasınıñ tiklenilmesi oğrunda umumiy ğalebemiz içün hep birlikte çalışmamız soñ derece mühimdir.
Sizni kapmaniyamızğa qoşulğan her ukrain biznesinen yaqınca tanış etecekmiz. Bugün ise ‘Qırım azbası’(‘Krımskiy dvorik’) adlı qavehane haqqında tarif etecekmiz.
Qavehane 2018 senesi İrpende açılğan edi, 2023 senesi sentãbrniñ 25-inde Lvovda da öz qapılarını açtı: Yan Jıja, 9 adresi boyunca. Qavehanede qırım hatıraları aveskãr müzeyi bar ki, mında bütün Ukrainadan kelgen musafirler ve dostlardan hediyeler toplanğan.
Yerniñ maqsadı – yemekler, Canli radiosınıñ qırımattar muzaıkası, müzey, tedbirler, qırımtatar tili laqırdı klubları ve il. kibi ameller vastasınen Qırımnı Ukrainanıñ bir qısmı olaraq ileriletmek.
Artıq bu qavehanede Qırım şeherleriniñ kerçek adlarını QRM informastıon kampaniyasını tanıttrığan QR kodlarını bulundırğan yapıştırmalarnı körmek mümkün.
Ukrain bisneske mevamları ve mezkür ciddiy mevzuğa pervasız qalmağanları içün pek minnetdarmız.
Lvov şeheriniñ sakinleri ve musafirlerini ‘Qırım azbarına’ buyurmaq, qırımtatar yemekleriniñ dadını alıp, Qırımnıñ aqiqiy tarihı ve toponimlerinen yaqınca tanış olmağa davet etemiz.
#LIBERATECRIMEA kampaniyası QRM tarafından Halqara inkişaf boyunca AQŞ Agentligi ile maddiy desteklengen ‘Qoşul!’ adlı cemaat areketine destek olğan Programma çerçivesinde keçirildi. Kampaniya mündericesi Pact mesüliyetligindedir ve Halqara inkişaf boyunca AQŞ Agentligi ya da AQŞ hakimiyetiniñ noqtainazarlarını aks etmey bilir.
