QRM tarafından Ukrainada ‘Fridrih Naumannıñ serbestlik oğrunda Fondu’ Temsilciliginiñ destegi ile keçirilgen II Strategik forumnıñ işi devam ete.
QRM reisi, qırımtatar Milliy Meclis azası Eskender Bariyev vaqtınca işğal etilgen Qırımnı işğalden azat etmek ve reintegratsıya Strategiyasınıñ amelge keçirilmesi boyunca ameller tertibini taqdim etti. Bundan soñra ekspertler birlikte nevbetteki yönelişler boyunca vesiqalarnı talil ettiler: insan haqlarını qoruv, Ukraina vatandaşları ve yuridik şahıslarnıñ huquqiy qorulması, iqtisadiy siyaset, içtimaiy ve gumanitar siyaset, ekologik siyaset, informatsıon siyaset, milliy sabitliginiñ qaviyleştirilmesi, Qırımnı işğalden qurtarılması boyunca devlet siyasetiniñ hususiyetleri.
Şundan da ğayrı tedbir iştirakçileri Qırım reintegratsıyası boyunca teklifler ile tanış oldılar. Mezkür teklifler I Strategik forumı tarafından 10 yonelişte işlep çıqarılğan edi:
- kütle hakimiyeti
- cinaiy siyaset
- vatandaş siyaseti
- icret siyaseti
- içtimaiy ve gumanitar siyaset
- informatsıon siyaset
- ekologik siyaset
- adalet siyaseti
- halqara siyaset
- qabarcılıqqa qarşı siyaset
Ekspertler tekliflerni tafsilãtlı şekilde muzakere etip, vesiqanıñ tamamlanması içün öz tevsiyelerinde bulundılar.
Hatırlatamız ki, forumda 20 ekspert iştirak etmekte. Olarnıñ arasında Ukraina akademik sahasınıñ temsilcileri, Qırım platforması ekspert ağınıñ ekspertleri, cemaat erbapları, jurnalistler, yuridik, coğrafik, iqtisadiyat, siyaset, içtimaiy, tarihiy ve pedagogik ilimler namzetleri ve doktorlar bar.
