Hatırlatamız ki, bugün, 22 avgust künü Halqara Qırım platformasınıñ Üçünci Sammitniñ arfesi çerçivesinde, saat 17-19 qadar qırımtatar Milliy Meclisiniñ ‘Ukraina tamır halqlar haqlarınıñ temin etilmesi – Qırımnıñ muvafaqiyetli reintegratsıya yoludır’ mahsus tedbiri olıp keçecek.
Tedbirniñ teşkilãtçılarından biri Qırımtatar Resurs Merkezidir.
Muzakere iştirakçileri:
Refat Çubarov – qırımtatar Milliy Meclisi reisi;
Oliver Loode – tamır halqlar meseleleri boyunca OON daimiy Forumnıñ azası, ‘Uralik’ CT idare reisi;
Suleyman Mamutov – OON tamır halqlar meseleleri boyunca Daimiy Forumnıñ azası;
Eskender Bariyev – Qırımtatar resurs merkeziniñ reisi, qırımtatar Milliy Meclisiniñ çetel işler ve huquq meseleleri boyunca idaresiniñ başı: ‘Ukraina tamır halqlar haqlarınıñ temin etilmesi – Qırımnıñ muvafaqiyetli reintegratsıyası yoludır’ iş gruppasınıñ koordinatorı;
Rustem Umerov- Ukraina devet maliye Fondunıñ reisi;
Yelena Arabacı- ‘Cemaat’ milliy-medeniy cemiyetniñ idare reisi;
Vãçaslav Lombrozo: Lvov qırımçaq cemiyetniñ reisi;
Moderator: Andrey Kulikov, jurnalist, alıp barıcı, 2015-2022 seneleri ‘Cemaat redioası’ idare reisi.
Canlı yayınlarımıznı taqip etiñiz.