Bazarertesi künü, 14 iyülde Qırımtatar Resurs Merkeziniñ meneceri Lüdmila Korotkih Human Rights 75 teşebbüsniñ çerçivesinde Gençlerniñ global mesleatında iştirak etti.
Öz çıqışında Lüdmila insan haqları, şu cümleden tamır halqlarnıñ haqlarını yerine ketirmek ne qadar mühim olğanını qayd etti.
Şundan da ğayrı, ekspert işğal etilgen Qırımda insan haqlarını bozuvlarına dair vaziyetni ve qırımtatar halqı nasıl alda olğanını açıqladı.
‘İnsan haqlarınıñ keleceginden bahs eter ekenmiz, şunı aytmalımız ki, insan haqlarına bütünley riayet etilmesi temelli barışıqnı temin ete bilir ve ileride çatışmalarınıñ ögüni alır. Gençler ise bu kibi fikirlerni ögge sürdürgen küç olmalılar’,- qayd etti Lüdmila.
Mesleatlarnıñ neticesinde 75 Gençlik insan haqları Deklaratsıyası qabul olunacaq.