Cuma künü, 11 avgustta QRM temsilcileri Büyük Britaniya Lids Universitetiniñ aspirantı Mali Vedlinen onlayn körüşüv keçirdiler. Subet devamında tamır halqlar global iklim boyunca qarar alınmasında iştiragı ve öglerinde nasıl qıyınlıqlar peyda ola bilecegi muzakere etildi.
Körüşüvde Lids Universitetiniñ aspirantı Mali Vedli, Qırımtatar resurs merkeziniñ reisi, qırımtatar Milliy Meclisiniñ çetel işler ve huquq meseleleri boyunca idaresiniñ başı Eskender Bariyev, QRM menecerleri Zarema Bariyeva ve Lüdmila Korotkih iştirak ettiler.
Mali Vedli tamır halqlarnıñ OON Çerçive Konventsıyasında iştiragınen bağlı araştırma yapmaqta.
Şu cümleden QRM reisi Eskender Bariyev ekspertler SORda iştirak etken vaqıtta nasıl qıyınlıqlarnen rastkelgenleri ve tamır halqlar içün iştirak imkãnlarını qolaylaştırmaq yolları haqqında tarif etti.
Şundan da ğayrı, QRM temsilcileri şunı qayd ettiler ki, teşkilãtları ekologiya ve iklim deñişmesi sahasında sistemli çalışmaqta, ayrıca da Qırım işğali ve Ukrainağa qarşı cenk bir sıra problemlerni ortağa çıqardı.
Hatırlatamız ki, 6-18 noyabr künleri Şarm-el-Şeyhte (Mısır) iklimniñ deñişmesi boyunca OON Sammiti olıp keçti. Tedbir çerçivesinde QRM Ukraina tabiat resurlarnı ve etraftaki alemni qoruv Nazirligi ile birlikte ‘İklimniñ deñişmesine tesir: Qırım, tamır halqlar ve halqara cinayetler’ mevzusında sayd-ivent keçirdi.