Dostlar, yaqın zamanda Qırım işğalden azat etilecek ve bunıñ aqibetlerini tüşünmeli. Eñ sıq berilgen suallerden biri: ‘satqınlarnen ne olacaq?’
Asılında her bir insannı satqınlıq seviyesini ayrıca közde tutmalımız. Misal olaraq, memur ya da askerni, yani Ukraina devletine ant etip, işğalcılarnıñ tarafını tutqanlar ve Gippokrat antını berip, işğal etilgen Qırımda ukrainlerge tibbiy yardım köstermege devam etken ekim bir sırağa qoyulmaz. Nasıl qıymet kesmelimiz? Ne yapmalımız?
Al-azırda bu kibi sualler açıq qalmaqta. Şundan dolayı QRM adamlar öz satqınlıq derecesini ölçemeleri içün mahsus usuliyetni işlep çıqardı.
Mezkür usuliyet sankstıyalar siyaseti sahasında hem ukrain devlet organları, hem de halqara teşkilãtları içün yardım etecek.