Qırımtatar Resurs Merkezi bütün türk halqını ve Recep Erdoğannı prezident saylavlarında ğalebesinen hayırlay.
Hatırlatamız ki, 28 mayıs künü Türkiyede prezident saylavlarınıñ ekinci turu keçti. Ğalebeni şimdi prezident olğan Recep Tayip Erdoğan elde etti. O, halqnıñ 52,16 %, onıñ raqibi ise 48% destegini qazandılar.
Ğalebe şunı numayış etti ki, Türkiye çeşit siyasetçi ve KHV tarafından kösterilmege tırışqanı kibi avtoritar bir ülke degil. Saylavlar eki basamaq ile yekünlendi, raqiplerge berilgen reyler arasında da farq pek az.
Ekinciden de, Türkiyede siyasiy krizis yer almaz, çünki Türkiye Parlamentinde deputatlarnıñ büyük qısmı Türkiye Cumhuriyetiniñ Prezidenti Recep Tayip Erdoğannıñ tarafdarlarıdır.
Qayd etmelimiz ki, türkiye halqınıñ saylavı umumen Ukraina içün pek emiyetlidir, çünki bütün bu zaman içinde Türkiye Ukraina suverenitetniñ saqlanılmasını qol tuta ve Rusiyeniñ şiddeti başlağanından berli Ukrainanı diplomatik ve harbiy seviyede destekley.
Kelecekte de işbirligimiz hep qaviyleşecegine ve Turkiyeniñ rusiye-ukrain cenkinde bizge destek köstermesine büyük ümüt beslemektemiz.