Qırımtatar resurs merkeziniñ reisi, qırımtatar Milliy Meclisi çetel işler ve huquq meseleleri boyunca idaresiniñ başı Eskender Bariyev 19 aprel künü Qırım rusiye tarafından qanunsız şekilde zapt etkenine 240 yıl tolğanını hatırlattı.
O, qayd etkeni kibi, 240 yıl devamında qırımtatarlar bir qaç millionlıq halqtan öz Vatanından azğınlıqqa çevirildiler. 1944 senesinden 1989 senesine qadar ise öz topraqlarından yaşamaq haqqından asılında mahrum qaldırılğan ediler.
‘Rusiye zulumı 240 yıl devam etilmekte. 240 yıl devamında Qırım tamır halqı taqip ve yoq etile. Qırımtatar halqı 240 yıl devamında genotsdke oğratıla. Bu 240 sene içinde medeniy miras abideleri, til, medeniyet, toponimler, adetler yoq etilindi. Şübheleri olğanlarğa hatırlatam ki, rusiye- kolonizator ve işğalcıdır’,- qayd etti Bariyev.
QRM reisi qayd etkeni kibi, bugünde bugün rusiye Ukrainanı da yoq etmege tırışa. Zalımnı toqtatmasaq, dünyada daha ne qadar halq zarar körer aceba?