Cuma künü, 3 fevralde QRM ofisinde Etnosiyaset ve vicdan serbestligi boyunca Ukraina devlet hızmetiniñ toplaşuvı keçirildi.
Toplaşuv devamında iştirakçiler bir sıra mühim meseleni muzakere ettiler. Ayrıca, Cemaat Keñeşine EVSDH (DESS) yañı reisi Viktor Yelenskiy taqdim etildi.
Şundan da ğayrı, Keñeş azaları ‘2034 senesine qadar çeşitlilikte birlik’ devlet milliy-medeniy programma Kontseptsiyasınıñ leyhasını muzakere ettiler. Qırımda tamır halqlarnıñ medeniy mirasına ait abidelerine dair qoşmalar baqıldı.
Toplaşuv devamında Ukraina tamır halqları Forumınıñ keçirilmesi kibi meselege diqqat ayırıldı. Cemaat Keñeşi onıñ teşkil etilmesinde faal iştirak etecek.
EVSDH (DESS ) Cemaat Keñeşiniñ yolbaşçısı Eskender Bariyev Keñeş azalarını QRM tarafından VPL içün bot-çat teşkil etilmesi haqqında haberdar etti.
‘Bot-çatnıñ meydanğa ketirilmesiniñ maqsatlarından biri- VPL (devlet sıñırında yerini deñiştirmege mecbur olğan şahıslar) arasında diger şeherlerde bulunmağa mecbur qalğan tamır halqlar ve milliy azğınlıqlarnıñ özgünligini saqlamaqtır. EVSDH(DESS) ile bot-çat içün malümat toplanması ve ileriletilmesi boyunca işbirlikni başlatmağa teklif etildi,’- qayd etti Eskender Bariyev.
Cemaat Keñeşiniñ İsveçre, Danimark ve Niderlandıda Quran yaqılması munasebeti ile yapqan beyanat temel olaraq alındı. Beyanat metininde dinara davalarğa yol berilmemesi rica etile. Aynı zamanda işğalcılar Ukrainanıñ vaqtınca işğal etilgen territoriyalarında etnik ve diniy taqiplerini devam etkenleri qayd etildi.
EVSDH(DESS) ‘Ukraina Tamır halqları haqqında’ Ukraina Qanunını amelge keçirilmesi üzerinde çalışmaqta.
Şundan da ğayrı, Cemaat Keñeşiniñ 2023 senesi keçirilecek tedbirler cedveli de muzakere etildi.