Cumaaqşamı künü, 19 yanvarde, Avropa parlamenti Ukrainağa qaşrı şiddet cinayeti içün mesuliyetlikke çağırmaq maqsadınen haqlara tribunalnıñ teşkil etilmesi haqqında rezolütsıyanı qabul etti.
Vesiqağa 472 deputat qoltuttı, 19 adam qarşı çıqtı, 33 adam ise rey bermedi.
Avroparlament saytında qayd etilgenine köre, ‘avrodeputatlar rusiye siyasiy ve harbiy yolbaşçılarını Ukrainağa qarşı kösterilgen şiddet cinayeti içün mesuliyetlikke çağırılmasını talap eteler’.
‘Apropa deputatları AB ve onıñ aza-devletlerini Ukraina ve halqara cemaatçılıqnen birlikte RF ve onıñ ortaqları tarafından yapılğan cinayetlerni taqip etmek içün mahsus halqara tribunal teşkil etilmesini talap etmege çağıralar. Böyle tribunalnıñ meydanğa ketirilmesi şimdi çalışqan halqara cinaiy mahkeme mehanizmleriniñ nuqsanlarını tüzetir ve al-azırda Ukrainağa qarşı şiddet cinayetini tetqiq etemegen Halqara cinaiy mahkemeniñ tetqiq işlerini tamamlar’,- denile haberde.