On Tuesday, June 21 at 11:00, at the Ukrinform news agency, the Crimean Tatar Resource Center, the State Service for Ethnopolitics and Freedom of Conscience of Ukraine and Mejlis of the Crimean Tatar people will hold a press conference as part of the information campaign #LIBERATECRIMEA: Two flags – one country, dedicated to the Day of the Crimean Tatar flag.
Qırımtatar bayraq kününe bağışlanan bu tedbirge jurnalistler, cemaat erbapları ve bütün istegenlerni qoşulmağa davet etemiz.
Spikerler:
Eskender Bariyev – Qırımtatar resurs merkeziniñ reisi, qırımtatar Meclisi çetel işler ve huquq meseleleri boyunca idaresiniñ başı;
Yelena Bogdan- Etnosiyaset ve vicdan serbestligi boyunca Ukraina devlet hızmetiniñ başı;
Refat Çubarov- qırımtatar milliy Meclis reisi;
Ahtem Seytablayev- kinorejissör;
Andrey Yermolenko- ressam-karikaturcı;
Tatyana Podvornãk- QRM kommunikatsıya meneceri.
Bugünde bugün qırımtatar bayrağı tek qırımtatarlar içün degil de, bütün Ukraina içün Qırım oğrunda küreş timsali olıp qaldı.
Tedbir çerçivesinde qırımtatar bayrağınıñ tarihı, onıñ rus-ukrain cenki şaraitlerinde ukrain cemaatınıñ birleşmesinde vazifesi haqqında bilgi berilip, QRM tarafından hazırlanğan vizual-informatsıon malümatlar taqdim etilecek ve Milliy Meclis ve diger cemaat teşkilãtları tarafından bütün dünya boyunca mezkür tarih ile bağlı keçirilecek tedbirler haqqında haberdar etilecek.
Tedbirni QRM facebook sahifesinde seyir etmege mümkün olacaq.
Temsilcilerniñ akreditastıyası: [email protected]
Hatırlatamız ki, evelden QRM işğal etilgen Qırımdaki vaziyet haqqında Ukraina ealini haberdar etmek maqsadınen #LIBERATECRIMEA areketiniñ yañı informatsıon programmasını başlatqan edi.
Mezkür kapmaniyanen https://www.ctrcenter.org/liberatecrimea/ sahifesinde ve içtimaiy ağlarımızda (Facebook: https://www.facebook.com/liberatecrimea , Telegram: https://t.me/LIBERATECRIMEA) tafsilãtlıca tanış olmaq mümkün.