.jpg)
Korotkih işğal etilgen Qırımda legal serbest mahkeme sisteması yoq etilip, yerine rusiye mahkemeleri tayinlengenini añlattı.
‘Rusiye halqara gumanitar huquqnı bozaraq, öz qanuncılıqnı işğal etilgen territoriyada qullana ve serbest mahkeme sistemasını yoq ete’,- qayd etti o.
QRM meneceri qayd etkeni kibi, QRM işğal devrinde siyasiy sebeplerden dolayı 234 taqip qayd etildi. Davalarnıñ büyük qısmına nisbeten mahkeme qararı nasıl olacağı evelden bellidir. Mahkemeler qapalı şekilde sıq- sıq keçirile, haber vastaları ve tuvğanlarını yibermeyler, adaletli mahkeme haqqı bozula.
‘Qırım hakimiyetiniñ böyle siyasetinden eñ-evelã tamır halq- qırımtatarlar azap çekmekteler. 2021 senesiniñ tek 9 ayı devamında 13 kere siyasiy mahbüsler qırımtatar tilinde laf etkeni içün mahkeme zalından çıqarılğan edi’,- qayd etti Korotkih.
Şundan da ğayrı, Qırımda siyasiy işlerde iştirak etken advokatlarnı taqip etmek artıq adet olıp qaldı. Lüdmila Korotkih advokat Edem Semedlãyevniñ ‘davası’ haqqında añlatıp, onı 12 künge hapiske ve 4000 ruble para cezasına mahküm etilgenini bildirdi.
Böyle qanun bozuvlardan dolayı QRM Rusiyeden işğal etilgen Qırımda öz qanunlarını amelge keçirmemesini, qırımtatar halqını, ayrıca advokatlarnı diskriminatsıyağa oğratmamaqnı, Qırımnıñ her sakini içün aynı şekilde adaletni temin etilmesini, Qırım işğalini toqtatmasını talap ete.