On Tuesday, September 28, the team of the Crimean Tatar Resource Center held a meeting with representatives of the Prosecutor’s Office of the Autonomous Republic of Crimea, during which they discussed the possibility of imposing personal sanctions against 50 persons responsible for human rights violations in the occupied Crimea.
.jpg)
Körüşüvde QMC ve Aqyar ş. Prokuratura yolbaşçısınıñ birinci muavini, yustitsıya mesleatçısı Vitaliy Sekretar, QMC ve Aqyar ş. Prokuraturasınıñ bölük reisi İrina Bartsıtskaya, QMC ve Aqyar ş. Prokuraturasınıñ bölük reisi Svãtoslav Poznahovskiy, Qırımtatar resurs merkeziniñ reisi, qırımtatar Meclisi çetel işler ve huquq meseleleri boyunca idaresiniñ başı Eskender Bariyev, QRM meneceri Lüdmila Korotkih iştirak ettiler.
Subetdeşler işğal etilgen Qırımda insan haqlarını bozğan şahıslarğa qarşı şahsiy sanktsıyalarnı kirsetilmesiniñ emiyetini muzakere ettiler. Şunıñ içün QRM prokuraturağa 50 adamdan ibaret cedvelni taqdim etti ve olarğa qarşı sanktsıyalarnı kirsetmege çağırdı.
Bundan evel QRM Ukraina çetel işler Nazirligine, Prezident Ofisine, Ukraina Havfsızlıq Hızmetine adlardan ibaret cedvellerni taqdim etken edi.
Hatırlatamız ki, bundan evel, QRM ekspertleri Qırımda insan haqlarını bozğan 166 adamdan ibaret cedvelni yollağan edi. Şundan da ğayrı, siyasiy mahbüslerniñ taqibine ait olğan şahıslarnıñ talili taqdim etilgen edi.
1.FSB hadimleri
2.MVD(İç İşler Nazirligi) hadimleri
3. prokuratura hadimleri
4.hakimler
5. mahkeme kãtipleri
6. ekspertler/ekimler
8. FSİN hadimleri
9. diger vazifeli şahıslar (nazirlik, MÇS ve dig.)
İşğal etilgen Qırımda insan haqlarını bozğan şahıslarnıñ cedvelinen tafsilãtlıca diagramma yardımınen tanış olmaq mümkün.
Tasnif ‘Vozrojdeniye’ (‘Tiklenüv’) halqara fondunıñ destegi ile yapıldı. Fikir, hulãsa, tevsiyeler tasnif muelliflerine aittir ve Vozrojdeniye HF-nıñ noqta-i nazarını aks etmey bile. Münderice içün tek QRM mesuliyetlidir.