On Monday, May 31, experts of the Crimean Tatar Resource Center in an online format presented a study on the topic: Features of climate change, ecological situation and the state of ecological and climate monitoring on the territory of the occupied Crimea as of 2014-2020. According to the speakers, the dynamics on the peninsula remains negative.
Tedbir spikerleri:
Yevgeniy Hlobıstov- Kiyev-Mogilãn akademiyası ekologiya kafedrasınıñ professorı, Ukraina iqtisadiy ilimler Akademiyasınıñ akademigi;
Sergey Voloşin- iqtisadiy ilimler namzeti.
Tatyana Podvornãk- Qırımtatar resurs merkeziniñ kommunikatsıya boyunca meneceri(moderator)
Mezkür araştırmada ekspertler bir sıra meselelerni açıqladılar:
1.Qırımda işğalcı hakimiyet tarafından amelge keçirilgen monitoring ağınıñ ekologik-iqlimiy vaziyetniñ talili.
2. Qırım yarımadasında iqlim şaraitleriniñ hususiyetleri ve olarnıñ deñişmesi.
3. İşğal etilgen Qırımda suv obyektlerinde suv miqdarını arttırmaq içün suniy şekilde yağanaqlarnı arttırmaq maqsadınen tesir etüv.
4. Qırımda 2015-2020 seneleri ekologik vaziyet.
Tatyana Podvornãk, 2014 senesinden başlap Qırımnıñ tamır halqlar temsilcileri, şu cümleden qırımtatarlar, devletlerara dava, telüke, adaletsizlik şaraitlerinde yaşamaqtalar, bu da bütün regionnıñ inkişafı içün pek havflı olğanını hatırlattı.
‘İşğal şaraitinde bulunaraq, Rusiye Federatsıyası OON Deklaratsıyasına binaen tamır halq sayılğan qırımtatarlarnıñ haqlarını tanımay. Böyle etip, qırımtatarlar iqlim deñişmesinen ve onen bağlı telükelernen küreşke öz isselerini qoşmaq imkãnından mahrum qalalar’,- qayd etti o.
Yevgeniy Hlobıstov Qırımda ekologik vaziyet haqqında hikãye etti ve yarımadada suv resurslarnıñ vaziyetini haqqında bilgi berdi. Onıñ aytqanına köre, suv resurslarnıñ yetişmemezligi mürekkep meselelerden biri olıp qalamaqta.
Sergey Voloşin mezkür araştırmanıñ hemiyetini, Qırımdaki vaziyetni añlamaq, kerçek meselerge qıymet kesmet imkãnını bergenini qayd etti.
‘Bütün aytılğanardan bir netice çıqaraq, Qırımda iqlimiy şaraitler ve olarnıñ işğal devrinde dinamikası, etraftaki alem ve tabiat resurslarnıñ vaziyeti, ayrıca suv meselesi, Qırımda yaşayış şaraitlerniñ yaramaylaşqanı, ekologik ve hocaiy meselelerniñ sistemligi haqqında işaret ete. Vaziyet hep kergin qalmaqta. Bunıñ soñu ne olacaq? Bilmeymiz. Faqat böyle kibi araştırmalar yardımı ile eñ-evelã halqara cemiyetni Qırımnıñ vaziyeti haqqında haberdar etmege tırışamız’,- hülãsa çıqardı Tatyana Podvornãk.
Mezkür leyha ‘Tiklenüv’ Halqara fondu tarafından amelge keçirilgen Ukrainada ekologik siyaset ve advokatsıyanıñ inkişafı boyunca Teşebbüs çerçivesinde, Şvetsiyanıñ maddiy destegi ile keçirilmekte.