‘Şimdi bir çoqları cenk olacaqmı dep soray. Amma cenk başladı artıq. Oña her kes alıştı ve körmemezlikke ura. Sıñırlarda ordu hep çoqlaşa, Donbasstaki davağa celp etilgen bir çoq adam öle, Rusiyeniñ sakinleri ise olıp keçkenlerni körmemege tercih eteler, susıp oturalar. Rusiyeniñ neşaretli, topal siyaseti hem devletniñ içinde, hem de başqalarınen munasetlerde bir sürü problem çıqaracaq. Buña yol bermemelimiz,’- dedi Milütina.
Piketke çıqqan qadınnı körgenlerden biri onı alğışladı, yanından keçken ukrainalı bir qız ise ocanı fotoğa çıqarıp, tuvğanlarına yollaycağını ayttı, çünki olar ‘Putin agressor olğanına eminler’. Amma diger qadın ise ‘biz olarnen duşmanmız, anda barıp, özünkilerini anda qoraçalañız!’ degen.