‘Hizb ut-Tahrir davasında’ qabaatlanğan Teymur Abdullayevge ceza hücresinde bulunma müddetini uzattılar

‘Bugün ceza müddeti bitken edi ve oğluma telefon açmağa ruhset berildi. Bugünden başlap ta, ceza hücresinde daha 15 kün olacağını bildirdiler.  Ceza hücresine bir de bir tertipni bozğanı içün yollamaq kerekler. Timur ise artıq ne içün, ne sebepten cezalanğanını soramay da, tüşünmey de,’- denile haberde.

Hatırlatamız ki, 2016 senesi 12 oktãbr künü rusiye silãhlı küçler tarafından  Aqmescit rayonı, Strogonovka köyünde tintüvler neticesinde  5 qırımtatar-Uzeir Abdullayev, Teymur Abdullayev, Rustem İsmailov, Emil Cemadenov ve Ayder Saledinov hapiske alınğan edi. Olarnı Rusiyede yasaq etilgen ‘Hizb ut-Tahrir’ teşkilãtında iştirak etkenleri içün qabaatlaylar.

 2019 senesi 18 iyün künü Şimal-Kavkaz arbiy mahkemesi yaqalanğanlarğa binaen qararlarını çıqarıp, Teymur Abdullayevni 17 yıl, Rustem İsmailov -14 yıl, Uzeir Abdullayev- 13, Ayder Saledinov ve Emil Cemadenovnı 12 yıl mustemleke cezasına mahküm etti.