‘İlk reyske platskart vagonlar 28 mayıs künü saat 10.35 Aqmescit- Tambov marşrutı boyunca çıqıp, 30 mayısta saat 1.10 Tambovğa kelip çıqacaq. Tambovdan ise ilk reys 1 iyünde saat 6.20 çıqıp, 2 iyün künü saat 18.45 Aqmescitte olacaq, ’- denile beyanatta.
Hatırlatamız ki, 2019 senesi 8 noyabrde işğal etilgen Qırımda bütün demiryol kassalarında Qırımdan Moskva ve Sankt- Peterburgğa biletler satılmağa başladı. 23 dekabrde Sankt-Peterburgtaki Moskva vokzalından Qırımğa ilk tren yolğa çıqqan edi. Poloniya ve Romanya çetel işler Nazirlikleri Keriç köpürden ketken demiryollarnıñ açılmasını yahşı körmediler ve Qırım işğalini qabul etmegenlerini tekrar hatırlattılar.