Hatırlatamız ki, 2019 senesi 8 fevral künü rusiye arbiy küçleri Saq rayonı Orehovo köyünde faal cemaatçı Oleg Prihodkonıñ evinde tintüv keçirgen ediler.
2019 senesi, oktãbrniñ 9-ında rusiye arbiy küçleri tekrar Oleg Prihodkonıñ evini basıp, onı qaçırdılar. 10 oktãbrde evinde keçirilgen tintüv neticesinde Oleg ve onıñ ömürarqadaşı Lübov Prihodkonı yaqaladılar. Cemaatçını ‘terrorizm’ ve ‘patlayıcı madde yasağanında’ qabaatlaylar. Qadınnı ise şaat olaraq yaqaladılar, amma soñra azat ettiler. 10 oktãbr künü Kiyev rayon ‘mahkemesi’ Oleg Prihodkonı dekabrniñ 10-una qadar hapiske aldı. Soñra Prihodkodan qanunsız şekilde DNK örneklerini aldılar. Advokat Nazim Şeyhmambetovnıñ fikrine köre, bu sahte vesiqalarnı azırlamaq içün yapılğandır. Siyasiy mabusnıñ hapiste bulunacaq müddetni defalarca uzattılar. 16 dekabr künü, Şarq arbiy mahkemesinde prokuror Oleg Prihodkoğa qattı rejimli mustemlekede 11 sene bulunmasına mahküm etmek cezasını teklif etti.