''Qırımdaki siyasiy mabuslar sıq-sıq mecburiy psihiatrik ekspertizasına oğratıla. 2018 senesi Qırımtatar Milliy Meclisiniñ reis muavini İlmi Umerov mecburiy mahkeme-psihiatrik ekspertizasına yollanılğan edi. O, Rusiyege em Ukraina, em de halqara ortaqlarımız tarafından yapılğan kütleviy basqı neticede azat etilgen edi. Bügünde-bügün ise Ukraina Sizikovnı cezalayıcı psihiatriyadan qurtarmağa tırışacaqtır'', – dep haber etile bildirüvde.
Hatırlatamız ki, oraq ayınıñ 7-de quvetçiler Bahçisaray, Qurman ve Aqmescit rayonlarında qırımtatarlarnıñ evlerinde kütleviy tintüvler keçirdiler. Neticede yedi kişi yaqalandı. Olarnıñ episi Aqmescitteki FSB idaresine ketirildi. Oraq ayınıñ 7-de Aqmescitniñ Kıyiv rayon ''mahkemesi'' birinci derece saqatı Oleksandr Sizikovnı ev apisine aldı. Oraq ayınıñ 8-de işğal etilgen Qırımnıñ Kıyiv rayon “mahkemesi” İsmet İbragimov, Zekirya Muratov, Vadim Bektimirov, Emil Ziyadinov, Alim Sufyanov ve Seyran Hayredinovnı tevfiq etüv şekilinde sıñırlayıcı tedbirge üküm etti.