''Oleksandr tamamen kör, saqat insandır. Onıñ içün FSB onı tevqifhanege yollap olamay, onı kerçekten de azatlıqtan marum etmek mümkün degil. Ruhiy hasta olaraq tanılıp ve uzun yıllar devam etecek mecburiy psihiatrik tedavisine qapatılıp, böyleliknen azatlıqtan marum etileceginden qorqamız'', – dep bildirile haberde.
Abulqatnıñ qayd etkenine köre, onlarca siyasiy mabuslardan yalıñız Sizikov Aqmescitke degil de, Aqyarğa psihiatrik hastahaneğe yollanılğanı şübeler doğura.
Hatırlatamız ki, oraq ayınıñ 7-de quvetçiler Bahçisaray, Qurman ve Aqmescit rayonlarında qırımtatarlarnıñ evlerinde kütleviy tintüvler keçirdiler. Neticede yedi kişi yaqalandı. Olarnıñ episi Aqmescitteki FSB idaresine ketirildi. Oraq ayınıñ 7-de Aqmescitniñ Kıyiv rayon ''mahkemesi'' birinci derece saqatı Oleksandr Sizikovnı ev apisine aldı. Oraq ayınıñ 8-de işğal etilgen Qırımnıñ Kıyiv rayon “mahkemesi” İsmet İbragimov, Zekirya Muratov, Vadim Bektimirov, Emil Ziyadinov, Alim Sufyanov ve Seyran Hayredinovnı tevfiq etüv şekilinde sıñırlayıcı tedbirge üküm etti.