Marlen Asanov, a defendant in the so-called Bakhchisaray “Hizb ut-Tahrir case”, has his health deteriorated: he complains of toothache, is troubled by kidney problems, and also has varicose veins. The Crimean Tatar Resource Center was informed about this by his wife Aishe Asanova.
Onıñ sözlerine köre, mabüsniñ tışlerini tedaviylemege red ettiler. Bundan ğayrı, taqiqat tevqifhanesiniñ ekimi büyrekler yanğısına dair şikâyetlerni diñlep, iç bir tallilerni almayıp, ilâclarnı tayinledi.
"Bundan ğayrı onda varikoz hastalığı peyda oldı. Soñki mahkeme oturışında Marlen yaramadı, eki kere ekimni çağırdılar, qan basımı 150-ce köterildi. Ekim, şu alnıñ sebebi varikoz hastalığı dep, kene ilâcalarnı, şu cümleden qannı şingenleştirgen ilâcnı tayinledi. Men oña şu ilâclarnı ve vitaminlerni alıp ketirdim, çünki o, taqatsız olıp qaldı", – tarif etti o.
2017 senesi oktâbrniñ 11-de Bahçisarayda işğalciler qırımtatarlarnıñ evlerinde kütleviy tintüvler keçirdiler. Tintüvlerden soñ Marlen Asanov, Server Zekiryayev, Memet Belâlov, Seyran Saliyev, Ernes Ametov ve Timur İbragimovnı yaqaladılar. Olarnı Rusiye Ceza qanunnamesiniñ 205.5 maddesine köre, Rusiyede yasaq etilgen teşkilâtında iştirak etkenlerinde qabaatladılar.
2018 senesi mayısnıñ 21-de işğal etilgen Qırımda Rusiye quvetçileri "Qırım birdemligi" birleşmesi faalleriniñ evlerinde tintüvler keçirip, Server Mustafayev ve Edem Smailovnı yaqaladılar. Olarnı da Rusiyede yasaq etilgen "Hizb ut-Tahrir" teşkilâtında iştirak etkenlerinde qabaatladılar.
2019 senesi fevral ayında Bahçisaraydaki ekinci "Hizb ut-Tahrir davasınıñ" 8 mabüsi – Marlen Asanov, Server Zekiryayev, Memet Belâlov, Seyran Saliyev, Ernes Ametov, Timur İbragimov, Edem Smailov ve Server Mustafayevge qarşı Rusiye Ceza qanunnamesiniñ 278 maddesi boyunca (quvet yolınen akimiyetni elge keçirüv) cinaiy davanı açtılar.
Martnıñ 5-de Bahçisaraydaki ekinci "Hizb ut-Tahrir davasınıñ" eki mabüsi – Timur İbragimov ve Memet Belâlovğa qarşı qabaatlavlarnı Rusiye Ceza qanunnamesiniñ 205.5 maddesi ekinci qısmından ("terrorist teşkilâtında iştirak etmesi") birinci qısmına ("terrorist teşkilâtı faaliteniñ teşkil etmesi") deñiştirip quvetleştirdiler.