"İmayeciler, qabul etilmez delillerni davadan çıqaruvı, prokurorğa dava qaytaruvı ve umumen cinayet olmağanı sebebinden dava qapatıluvı aqqında muracaat ettiler. Men Kantimirovnıñ vaqtınca tutılıp alınğan mülkü aqqında muracaat ettim", – dedi advokat Ayder Azamatov.
2019 senesi iyunniñ 10-da ve 11-de Aqmescitteki Kiyev rayon "mahkemesi" Riza Omerov, Enver Omerov, Ayder Cepparov, Eskender Suleymanov, Ruslan Nagayev, Eldar Kantimirov, Ruslan Mensutov ve Lenur Halilovnı avgustnıñ 5-ce apiske aldı. Soñra apis müddeti defalarca uzatılğan edi. Fevralniñ 3-de Aqmescitteki Kiyev rayon "mahkemesi" nevbetteki kere apis müddetini mayısnıñ 5-ce uzattı.
Qırımtatar Maaliy Merkezi dünya toplulığı, halqara aqqorçalayıcı teşkilâtlarnı insanlarnıñ siyasiy taqip etilüvini toqtatmaq ve qanunsız mahkeme qararlarını lâğu etmek içün Rusiye ve Qırımnıñ işğalci akimiyetine qarşı basqını quvetleştirmege çağıra.