Ukraina Prezidenti Vladimir Zelenskiy Qırım köpürini yoq etmek mecburiyetinden bahs etti. Bu aqta Bild intervyusinde bildirildi.
‘Biz pek isteymiz. Hem de mesele ille de köpür, yani Keriç köpüri degil. Arbiy maqsadımız olğan bir qaç infrastruktur öbyetleri haqqında söz yürsetile’, – dedi o.
Şundan da ğayrı USK yarımadada rusiye arbiy aviatsıya aerodromlarını da yoq etmege planlaştırğanını bildirdi.
QRM reisi, qırımtatar Milliy Meclis azası Eskender Bariyev ‘24 kanalı’ yayınında bildirgenine köre, rusiye işğalcıları haqsız qurulğan Qırım köpürini coymağa qorqalar. Her bir patlavdan ötleri patlay.
‘Qırım köpürini birden qapatmağa aşıqalar, her kesni teşkireler. Bir qaç saatqa areket toqtap qala. Şundan da ğayrı tütün perdesini qullanalar ki, olarnıñ arbiy obyektleri bulunğan yer körünmesin. Kerçekten, olar içün Qırım köpüri pek qıymetli’, – añlattı o.
Bariyev qayd etkeni kibi, Keriç boğazındaki köpür duşmannıñ arbiy tehnika, asker ve erzaq kirsetilmesiniñ esas yoludır. Evelden işğalcılar bu yolnı mahsus qoralarnen qorçalamağa tırışa ediler.