1977 s. doğğan, vaqtınca işğal etilgen Zaporijjâ vilâyetiniñ Tokmak şeeriniñ sakini Olga Çernâvskaya «casuslıq»ta (rf CKniñ 276-ncı maddesi) qabaatlanıp, 13 yılğa maküm etildi . Tedqiqatqa köre, o, Ukrayina Silâlı Quvetlerinde hızmet etken oğlunen qonuşuvda, em de, idda etilgenine köre, malümat yetkizüvde qabaatlana. Bu aqqında rusiye matbuatı haber etti.
Eldeki malümatqa köre, Çernâvskanı 2023 senesiniñ saban ayınıñ 25-te rusiye havfsızlıq küçleri qaçırdılar ve resmiy qabaatlavsız ve protsessual statusısız uzun vaqıt tuta ediler. Bir yıldan ziyade soy-sopları onıñ qayda olğanını bilmey ediler. Bundan da ğayrı, apishanege alınğan vaqıtta merametsiz areket tarzı ve azaplar qullanuvı aqqında haberler de bar.
Tek bir yıldan ziyadeden soñ, oña qarşı «casuslıq» maddesi (rf CKniñ 276-ncı maddesi) sebebinden cinayet davası açıldı (rf CKniñ 276-ncı maddesi). «Makeme» qapalı şekilde keçti, ondan soñ qadınğa ceza çıqarıldı.