United24 и Lego #UKRAINEinLEGObricks leyhası çerçivesinde Ukraina mimarlıq abidelerniñ konstruktorlarını çıqardılar.
Ayrıca böyle oyuncaqlar işlep çıqarıldı:
-Kiyev Altın qapılar
-Bağçasaraydaki Hanlar sarayı
-Podgorets qullesi
-Odessa milliy akademik opera ve balet teatri
– Nikolayev astronomik observatoriyası.
Belli olğanı kibi, Legonı 4 memleketniñ kreatorları uydurdı: Erik Lou ve Mark Segedi AQŞ-ndan, Daniel Zaydl Almaniyadan, Matsey Kotsot Poloniyadan ve Aleksandr Yermolayev Ukrainadan.
Hatırlatamız ki, Hanlar sarayı – XVI asırğa ait misilsiz mimarlıq abidesi ve qırımtatar saray mimarlığınıñ dünyada yekãne örnegidir.
‘Artıq 10 yıl devamında LEGO modellerni toplayım. Dünya mimarlıq örneklerinen meraqlanam. Hanlar sarayı- Ukraina ne qadar çeşitli, farqlı olğanınıñ misalidir. Saray- mimarlıqnıñ incisi olmaqnen bir sırada regionnıñ zengin tarihınıñ şaitidir. Dünyağa qırım medeniyetini köstermek ve Ukrainanıñ yañıdan tiklenilmesine isse qoşqanımdan pek memnünim’, – qayd etti Matsey Kotsot.
Qayd etemiz ki, konstruktornı satın almaq mümkün degil, faqat Dnepropetrovsk vilãyetinde Velikokostroma gimnaziyasınıñ yañıdan tiklenilmesine 24 dolar berip malik olmaq mümkün.
Tafsilãtlıca: https://u24.gov.ua/uk/