Ukrayina rusiyenen büyük miqyaslı deñişim azırlığı içün “1000-ge 1000” formatında cenk esirleriniñ cedvellerini berdi. Şimdiki vaqıtta kelecek deñişimniñ tafsilâtları ve konfiguratsiyası muzakere etile. Bu aqqında Ukrayina prezidenti Volodımır Zelenskıy öz Telegram-kanalında Ukrayina milliy havfsızlıq ve mudafaa şurasınıñ kâtibi Rustem Umerovnıñ Stiv Vitkoff ve Jared Kuşnernen körüşüvleri neticesinde bergen maruzasından soñ bildirdi.
“Amerika diplomatiyada qalması ve esirlerni deñiştirüv meselesinde yardım köstermesi müimdir. Deñişüv konfiguratsiyasını añlamaq içün kerekli seviyede alâqalar devam ete. Cedveller teslim etildi, ve biz Amerika tarafı bu añlaşmanıñ ömürge keçirilmesinde faal olacağına ümüt etemiz”, – Zelenskıy dep qayd etti.
AQŞ ile alâqalar vaqtında rusiyeniñ Ukrayinağa qarşı cenkini yekünlemek içün liderler seviyesinde körüşüv ve muzakerelerniñ ola bilgen formatları muzakere etildi. Devlet yolbaşçısı şunı da bildirdi ki
Qırımtatar Resurs Merkezi bütün Ukrayina grajdanlarınıñ tertipli şekilde azat etilmesiniñ zarurlığını qayd ete ve er bir deñişim vaqtında azat etilgenler arasında Qırım temsilcileri, hususan qırımtatarlar – em arbiy hızmetçiler, em de kremlniñ siyasiy mabüsleri olmaq kerekligini qayd ete.