Üç yıldan evel, 2023 senesi qural ayınıñ 31-nde, Lugansk vilâyetiniñ Svativ rayonınıñ Karmazınivka köyü yanında arbiy vazifeni becergende, Ukrayina Devlet sıñır hızmetiniñ büyük askeri, 34 yaşındaki qırımtatarı Timur Mateyev elâk oldı.
Timur 1988 senesi oraq ayınıñ 28-nde Özbekistannıñ Taşkent vilâyetindeki Angren şeerinde doğdı. Ailede üç bala arasında eñ küçük edi. 1996 senesi qorantası Qırımğa sürgünlik yerlerinden qayttı.
2022 senesi saban ayında Timur Ukrayina Devlet sıñır hızmetiniñ askerlik hızmetine çağırıldı. Cenk, tibbiy ve taktik azırlıqtan keçken soñ, 2023 senesi kiçik aynıñ 22-nde, sıñır komendaturası qısqa cevap berüviniñ erkânında, Ukrayina şarqında rf ordusı ile doğrudan-doğru ateş çatışması rayonına hızmet yollamasında patladı.
Lugansk vilâyetiniñ Karmazınivka qasabası yanında arbiy vazifelerni eda etkende, büyük asker Mateyev cesürlik, qararlılıq ve yüksek arbiy keyfiyetlerni kösterdi.
2023 senesi qural ayınıñ 31-nde, tahminen saat 00:50, «K 22» vzvod istinat noqtasınıñ mudafaası vaqtında, onıñ bölügi intensiv artilleriya ve minaatıcı ateşke oğradı. Duşman tanklarnı da qullandı ve mudafaalarnı bozmağa tırıştı. Bir atışta Timur Mateyev yaralanıp vefat etti.
Şahsiy cesürligi, devlet suverenitetini qorçalavdaki fedakâr areketleri ve arbiy antına sadıqlığı içün Timur Mateyev III derece “Cesürlik” nişanı ile taqdirlendi (ölümden soñ).
Safiye adlı qızı qaldı.
Qırımtatar Resurs Merkeziniñ hadimleri Timur Mateyevniñ istidatını ürmet etip, onıñ cesürligini hatırlata.