Cumaaqşamı künü, 27 iyülde, QRM kommunikatsıya meneceri Tatyan Podvornãk VPL(ülke içinde yerlerini deñiştirmege mecbur olğan şahıslar) cemiyetleri içün ‘QırımSOS’ teşkilãtı tarafından keçirilgen koordinatsıon vebinarda iştirak etti.
‘VPL(ülke içinde yerlerini deñiştirmege mecbur olğan şahıslar) meselelerinen yaqın tanışmız. Teşkilãtımıznıñ hadimleri evlerini eki defa terk etmege mecbur olğan ediler: 2014 senesi Qırımdan, 2022 senesi ise Kiyevden. Ebet, yañı yerde bir sürü meseleler peyda oldı: VPL vesiqasını qayda almaqtan başlap, helãl yemek tapmasına qadar’, – qayd etti o.
Tatyananıñ aytqanına köre, QRM Qırım ve diger yerlerden vatandaşlarımıznıñ yardım rica ile muracaatlarını qabul ete edi.
‘İşte bundan soñra VPL içün, tamır halqlar ve milliy azğınlıqlarnıñ ihtiyaclarını közde tutaraq bütün olğan bilgilerni bir yerde toplamağa ğayesi peyda oldı. Böyle etip, ‘ Turbota o VPL’ ( ‘VPLni qayğırıp’) çatı meydanğa ketirildi’,- dedi o.
Tatyana Podvornãk çat-botnıñ tertibini añlatıp, nevbetteki vazifelerini qayd etti:
– VPL statusına nasıl malik olmaq?
– Mesken yerni nasıl tapmaq?
– Medeniy yadikãrlıqlarını nasıl tapmaq?
– İşke nasıl kirmek?
– Gumanitar yardımnı nasıl almaq?
– ihtiyaclarğa köre tükãnlarnı nasıl tapmaq? (helãl, vegetarian).
Tatyananıñ aytqanına köre, çat-bottan 9000 – den ziyade adam faydalandı, yurist ve operatorlar adamlardan onlarnen sualge cevap berdiler. Eñ sıq berilgen suallerden biri – yañı şeherler ne vaqıt peyda olacaq. Eñ çoq basılğan dögmeler ise- gumanitar ve maddiy yardım, mesken yer, aşayt, VPL içün faydalı gruplar ve il.
Şimdilik çat-botumız 4 büyük şeherni qaplap ala: Kyev, Lvov, Çernovtsı, İvano-Frankovsk. Faqat kelecekte dairemizni keñişletmege ve daha çoq faydalı malümat yerleştirmege niyetindemiz’, – qayd etti Podvornãk.