rusiye federatsiyasınıñ Krasnodar vilâyet makemesi Ukrayina grajdanını “devlet satqınlığı”nda qabaatlap, 15 yıl umumiy rejimli koloniyağa ve bir yıl azatlıqtan marum etilmesine maküm etti. Bu aqqında rusiye federatsiyasınıñ Krasnodar ülkesi makemeleriniñ matbuat hızmeti bildire.
rusiye tahqiqatınıñ versiyasına köre, 2023 senesi qadın Kyivde edi, anda Ukrayina Telükesizlik hızmetiniñ hadiminen bağ qurdı, soñra vaqtınca işğal etilgen Qırımğa kelip, rusiye grajdanlığını aldı.
“2024 senesiniñ saban ayında qadın Novorossiysk şeerinde bulunıp, smartfondaki mahsus ilâveler yardımınen GPS peyk sistemasınıñ çalışması aqqında malümat toplap bergen edi. rusiye tarafı, bu malümat “diversion-terroristik areketlerniñ” teşkil etilmesi içün qullanıla bile, dep iddia ete” – rusiye makemesinde aytıla.
Makeme, tahqiqatnıñ malümatına köre, malümat berüv içün qullanılğan 40 biñ rubl ($540) ve cep telefonlarını tevqif etmege qarar aldı.