rusiyede devlet satqınlığında qabaatlanğan qırımlı Viktoriya Sergiyeva FSB hadimleriniñ basqısı altında bergen şaatlıqlarından vazgeçti – Qırımtatar Resurs Merkeziniñ meneceri Zarema Bariyeva bildirdi.
İşğalci “sekizayaqnıñ qarmalavuçları” Qırımdan tış olğan qırımlılarğa da yetkenini sıq-sıq eşitemiz. Bir çoq insan tek rusiyede degil de, İnterpolğa muracaat etkende, atta Avropa Birligi memleketlerinde de, ava limanlarında tutulğanını bilemiz”, – uquq qorçalayıcısı dep qayd etti.
Onıñ aytqanına köre, 55 yaşındaki qırımlı Viktoriya Sergeyeva rusiye tarafından moskva ava limanında tutuldı. Soçi, 2025 senesi arman ayınıñ 21-nde, saba saat 4-te İstanbuldan uçıp kelip, ğayıp oldı. Qoranta ve yaqınları beş ay devamında onıñ bulunğan yeri aqqında bir şey bilmey ediler.
“Yaqın vaqıtta tuvğanları qadın qanunsız apishanege alınğanını haber aldı ve bir qaç ay devamında Voronej vilâyetindeki Borisoglibsk şeeriniñ SİZO-sında tutula. Aman 6 ay devamında ruslar onı tış dünyanen bağsız izolâtsiyada tuta ediler”, – Bariyeva dep qayd etti.
Viktoriya Soçige kelgen soñ ne oldı?
Soçi ava limanına kelgen soñ qırımlı qadınnıñ telefonı teşkerüv içün alındı, bundan soñ onı “Kıyiv terror rejimine” para berüvde ve Ukrayina silâlı quvetleriniñ ihtiyaclarına para yiberüvde qabaatladılar. 55 yaşındaki qadınnı SİZOğa aldılar, qorantasına ya da uquqçısına haber etmege imkân bermediler.
Sergeyevanıñ özü aytqanı kibi, o, 2021 senesinden berli telefonında qurulğan bank ilâvesini qullanmay edi, bunı qadın rusiye quvetçilerine aytmağa tırışa edi, lâkin makemesiz, taqiqatsız, qadın apishanege alınmalı, dep qarar aldılar. Sergeyeva emin ki, pasportında Ukrayina ziyaretleri aqqında yazılğan tamğalar tutulmasına sebep oldı – QRM-niñ meneceri dep qayd etti.
Onıñ aytqanına köre, Viktoriya apishanege alınğan soñ, uquq qoruyıcılar vesiqalarnı teşkergen ve imzalağan soñ onı azat eteceklerini vade etken ediler. Qadın para cezasından qurtulacağına ümüt ete edi, amma, yazıq ki, ruslarnıñ oña nisbeten başqa planları bar edi.
Bundan da ğayrı, eki aftadan soñ qırımlı içün birer-birer karusel tevqifleri başlana, olar aman-aman er eki afta devam ete edi, şu cümleden politsiyağa boysunmağanlar içün de.
Mahsus apis müessiseniñ sıñırından çıqıp olamayıp, onı kene apishanege aldılar ve yañı protokol esasında kene kamerağa qaytardılar – uquq qorçalayıcısı qayd etti.
“2025 senesi ilk küz ayınıñ soñunda ruslar qadınnı Borisoglibsk SİZO-sına etap etecekler. Mında Viktoriya, suvsız bir kamerada, yerde, elbette, kimse temizlemegen, necaset yaman bir qoqusı bar edi.
Bütün ilâc muracaatları, añlağanıñızğa köre, red etildi, aş ise tek rusiyege kerek olğan vesiqalarnı (soruştuvcılarnı) imzalağan soñ elde etile edi, bu da oña qarşı açılğan cinaiy davanıñ temeli oldı”, – dep qayd etti.
Zarema Bariyevanıñ aytqanına köre, sınavlar bunıñnen bitmedi. Qadınnı defalarca azaplandıra ediler: qolları yüksek köterilgen ve ayaqları keniş açılğan alda turmağa mecbur ete ediler. Böyle alda o, rusiye vatanperver şiirleri, yırları ve gimnlerini, em de rusiye ve rusiye akimiyetine şiirlerni, SİZO hadimlerine “yahşı munasebeti içün” teşekkür bildirmege mecbur edi.
Bazı vaqıtları o qadar sıqıla ediler, sanki beller ayaqlar arasında yırtıla, ve dizler ise imkânsız derecede şişken edi. Bir seferinde ayaqqa turmağa küçü yetmegen soñ, Viktoriya tiz ekimleriniñ şiddetli ağrılarından şikâyet etti, bundan soñ onı SİZO hadimleri pek köteklediler – QRM-niñ meneceri dep qayd etti.
“Kerçekten, “devlet satqınlığı”nda qabaatlavlar qırımlığa onı apishanege alğandan 5 ay keçken soñ, yani 2026 senesi qara qış ayınıñ 28-de, Krasnodarğa avuştırğan soñ çıqardı. Tek anda o, oğluna ve qızına qarşı basqı ve qorquzuvlar altında bergen bütün şaatlıqlarından vazgeçkenini bildirdi.
Viktoriya qorqmayıp, küreşecegini bildirdi, çünki ömürinde iç bir vaqıt yapmağan cinayetleri içün onlarca yıl rusiye apishanesinde oturmağa istemey”, – Zarema Bariyeva dep ikâye etti.