Birleşken Milletler Teşkilâtınıñ tamır halqlar meseleleri daimiy forumınıñ 25-inci sessiyası çerçivesinde Qırımtatar Resurs Merkezi “Zıddiyet şaraitinde tamır halqlarnıñ aqlarını temin etüv” panel munaqaşasını keçirecek. Tedbir çiçek ayınıñ 24-nde saat 13:45-te Indigenous Media Zone meydanında keçirilecek.
Munaqaşada iştirakçiler barışıq qurucılığı esnaslarında tamır halqlarnıñ roli ve devamlı ve adaletli barışıqqa irişüv qararlarını şekillendirüvde tamır halqlarnıñ iştirak etüviniñ zarurlığını muzakere etecekler.
Cenk ve işğalniñ tamır halqlarğa tesiri, hususan Qırımnıñ vaqtınca işğali, insan aqlarınıñ muntazam bozuluvı, faallerniñ taqip etilüvi, yarımadanıñ askeriyleştirüvi ve milliy kimlik içün telükeler şaraitinde tamır qırımtatar halqınıñ vaziyeti ayrı diqqatqa lâyıq olacaq.
Tedbirniñ spikerleri arasında:
Eskender Bariyev – Qırımtatar Resurs Merkeziniñ İdare reisi, Qırımtatar Milliy Meclisiniñ azası;
Lüdmila Korotkıy – Qırımtatar Resurs Merkeziniñ uquqçısı;
Binalakşmi Nepram – Tamır halqları, gender adaletligi ve barışıq Global Alyansınıñ prezidenti.
Munaqaşa, tamır halqlarnı qoruv halqara mehanizmleri ve zemaneviy çatışmalar şaraitinde barışıq qurucılığına qoşqan issesi muzakere etilmesi içün meydançıq olacaq.