Çarşenbe künü avgust 7-sinde QRM ofisinde QRM reisi, Milliy Meclis azası Eskender Bariyevniñ Halqara Cumhuriyet İnstitutınıñ(IRI) temsilcisi Ayar Memetovnen körüşüv olıp keçti.
Subetdeşler ileride işbirlik imkãnlarını muzakere ettiler. Ayrıca, qırımtatar Milliy Meclisi temsilcileri içün strategik sessiyanı keçirmek imkãnları boyunca tevsiyeler bildirildi.
Şundan da ğayrı, Eskender Bariyev ve Ayar Memetov qırımtatar cemaatçılıq ve temsiliy organ azalarınıñ iştiragınen çeşit forum, tögerek masalarnıñ keçirilmesini de muzakere ettiler.
‘Mezkür tedbirlerniñ maqsadı- qırımtatar Milliy Meclisi azaları ve Ukrainada tamır halqnıñ temsilcileri arasında munasebetlerniñ qaviyleşmesidir. Em de böyle tedbirler sayesinde qırımtatarlarnıñ temsiliy organınıñ işlerinde faalligini arttıra bilirmiz’,- qayd etti Bariyev.