QRM taqımı her kesni Ukrain yazısı ve tili Künü ile hayırlay.
Til tek qonuşma vastası degildir. O, milletniñ hazinesi, her bir halqnıñ qıymetidir.
Til daima halqnen birlikte inkişaf ete, onıñ medeniyet, tarih, adetleri ve diger husuiyetlerini siñdire. Şunıñ içün de tilni saqlamaq ve inkişaf etmek soñ derece emiyetlidir. Tilini coyğan millet menligini de coyar.
rf artıq 9 yıl devamında menligimizni silip taşlamağa tırışmaqta. Qırım işğalinden berli duşmanımız ukrain ve qırımtatar tilini yoq etmege tırışa edi, 2022 senesi 24 fevralden soñra ise böyle vaziyet vaqtınca işğal etilgen territoriyalarda da yüz berdi.
Faqat rf öz areketlerinen halqımıznı boysundırmadı. Ukrain ve qırımtatarlar küreşini sabitliknen devam etmekteler, ukrain tilini qullanğanlar da kün künden arta.
QRM devletni ukrain tili ve Ukraina tamır halqlardan biri- qırımtatar tiliniñ inkişafı içün şartlarını temin etmege çağıra.
Öz nevbetinde ise QRM qırımtatar tiliniñ saqlanılması ve inkişafı içün elinden kelgenini yamaqta. Misal olaraq, 2019 senesi QRM tarafından insan haqları Umumiy Deklaratsıyası qırımtatar tiline tercime etilip, BMT(OON) resmiy saytında yerleştirilgen edi. 2021 senesi insan haqları Avropa Konventsıyası tercime etildi. şundan da ğayrı, QRM saytı qırımtatar tilinde de çalışmaqta.
İleride daha çoq!