Salı künü, 3 oktãbrde QRM meneceri Lüdmila Korotkih AQŞ barış İnstitutı ile ekspert munaqaşada Ukrainada havfsızlıq meseleleri şübesinde iştirak etti.
Körüşüv devamında elçi Uilyam Teylor ve onıñ işdeşleri Ukrainada havfsılzıq şübesi haqqında olacaq maruzanıñ evelki neticelerini taqdim ettiler.
Munaqaşanıñ maqsadı maruzada açıqlanğan nevbetteki meseleler boyunca ukrain ekspertlerniñ teklif ve tevsiyelerini almaq:
Huquq şübesi
Qabarcılıqqa qarşılıq
Grajdanlıq huquqqoruyıcı organlar
Mudafaa şübesi/veteranlar
Lüdmila Korotkih öz çıqışında QRM-niñ bazı izaatları közge alınğanı içün teşekkürler bildirdi. Ayrıca, 2014 senesi ve 2022 seneleri işğal etilgen territoriyalarnı reintegratsiya usulları farqlı olmaq kerekligi közge alındı.
Ekspert qayd etkeni kibi, mahkeme sisteması, huquqqoruyıcı sistema ve havfsızlıq şübesiniñ diger institutlar faaliyetiniñ tiklenilmesi her taraflı, kompleksi olmalı ve ealiniñ farqlı gruppalarınıñ menfaat ve ihtiyaclarını, belli bir regionnıñ hususiyetlerini közde tutmalı.
QRM meneceri qayd etkenine köre, satqınlıq meselesinde mesuliyetlikke çağırmaqta her bir vaziyetni ayrı baqmaq emiyetlidir.
‘Qabaatlılarnı cezalandırmaq meselesinde kerçekçi olmaq kerek, çünki beli bir institutsıonal sıñırlamalarımız bar’, – dep añlattı o.
Lüdmila Korotkih Qırım reintegratsıyası boyunca ‘Qırım istiqbali’ strategik forum tarafından işlep çıqarılğan tekliflerini taqdim etti.