Körüşüvde BMT(OON) tamır halqlarnıñ haqları boyunca mahsus maruzacısı Fransisko Kali Tsoy, Qırımtatar Resurs Merkeziniñ reisi, qırımtatar Milliy Meclisiniñ çetel işler ve huquq meseleleri boyunca idaresiniñ başı Eskender Bariyev, qırımtatar Milliy Meclis reisi Refat Çubarov ve QRM yuristi Lüdmila Korotkih iştirak ettiler.
Mahsus maruzacı Ukrainada işğal ve Rusiye tarafından Ukrainağa qarşı başlatılğan cenk neticesinde tamır halqlarnıñ vaziyetinden, insan haqlarınıñ bozuvları ve qırımtatarlarğa qarşı cinayetlerden haberdar etildi.
Şundan da ğayrı mahsus maruzacınıñ Ukrainağa resmiy ziyaretine teşebbüs kösterildi.
‘Tarafımızdan mahsus maruzacınıñ tamır halqlar, ukrain cemiyeti ve Rusiye tamır halqları içün Ukrainağa ziyaretiniñ emiyeti urğulandı… Añlaşqanımızğa köre, 2024 senesi iyül ayına qadar, yani tamır halqlarnıñ haqları boyunca Ekspert Mehanizmi keçirilgende, biz Ukraina Çetel İşler Nazirligi ile resmiy davetni hazırlamaq içün zarur tedbirlerde bulunacaqmız’,- añlattı Bariyev.
Şunı qayd etmelimiz ki, Frantsısko Kali Tsay maya tamır halqnıñ temsilicisidir. O, evelden Ukrainada Gvatemala elçisi olğanı içün Ukrainanen tanış.