Qırımtatar Resurs Merkeziniñ reisi, qırımtatar Milliy Meclisiniñ çetel işler ve huquq meseleleri boyunca idaresiniñ başı Eskender Bariyev ve QRM yuristi Lüdmila Korotkih ‘Birinci Tamır barışçıları global sammitiniñ’ teşkil etilmesi boyunca iş körüşüvinde iştirak ettiler. Tedbirniñ keçirilmesi 2024 senesi 11-12 aprel künleri Vaşingtonda planlaştırıla.
‘Tedbirni tamır halqlar idare etecek, birlikte teşkil etecekler ve bu kerçekten tarihiy bir körüşüv olacaq’, – qayd ete Eskender Bariyev.
Sammitniñ maqsadı- tamır barışçılar, muzakere iştirakçileri ve aracılarnıñ global ağını teşkil etmek ve barış esnaslarğa barış muzakerelerge tamır halqlarnı celp etilmesinde yardım etmektir.
Tedbir çerçivesinde 50 tamır barışçı ve dünya içtimaiy-medeniy daireden gençler toplanacaq.
Haberlerimizni taqip etiñiz.