Qırımtatar Resurs Merkezi öz Facebook ve Instagram saifelerinde Qırım ve onıñ faaliyeti aqqında eñ müim haberlerni qırımtatar tilinde derc etmege başlay, oquyıcılarımız asıl menbadan qırımtatar tilinde vaqtınca işğal etilgen Qırım vaziyeti aqqında aqiqatnı bilsinler.
Bu qarar, birinciden, tamır qırımtatar halqınıñ kimliginiñ ayırılmaz bir qısmı olaraq qırımtatar tiliniñ inkişafına ve saqlanıp qalmasına teşviqat etmege yöneltile.
Bundan da ğayrı, endi bilgenler ya da tek qırımtatar tilini ögrenmege tırışqanlar içün aktual haberler ve materiallarnı oqıp ameliyat keçirmek içün imkân yarata.
Çeşit memleketlerden, hususan Romaniya, Almaniya ve Türkiyeden qırımtatar tilinde mündericeni arttırmaq müimligini qayd etken çoq sayılı ricalarnı köz ögüne alamız.
Bundan da ğayrı, çeşit memleketlerden endi bilgen ya da tek Qırım vaziyeti ve tamır qırımtatar halqınıñ vaziyeti aqqında malümatlarnen tanış olmağa istegen tedqiqatçılar içün asıl qırımtatar tilinde haberlerni oqumağa müimdir. Qırımtatar Resurs Merkezi tamır qırımtatar halqınıñ ana tiliniñ inkişafına qoltutmaq ve Qırım aqqında keyfiyetli malümat mündericege irişüvni keñleştirmek içün bütün küçüni köstermege devam etecek.