Bazarertesi künü, 10 aprelde Qırımtatar Resurs Merkezi Qırımtatar Milliy Meclisine Qırım reintegratsıyası boyunca ‘Qırım istiqbali’ Strategik forum vaqtında işlep çıqarılğan tevsiyelerni taqdim etti.
Hatırlatamız ki, 3-7 mart künleri QRM Ukrainada ‘Fridrih Naumannıñ serbestlik oğrunda Fondu’ Temsilciliginiñ destegi ile ‘Qırım istiqbali’ strategik forumnı keçirdi.
Forumda 20 tecribeli ekspert, olaradan 7 ilimler doktorları (siyasiy, yuridik, coğrafik, pedagogik, iqtisadiy, felsefiy, devlet idaresi), şundan da ğayrı, hakimler, mahkeme qararlarını amelge keçirgenler, advokatlar, aliy oquv yurtlarnıñ ocaları, tasil sistemasınıñ hadimleri, yarımadada yaşağan ve eali, iqtisadiyat, siyasiy esnaslarnıñ özgünligini añlağan, halq tarafından tanılğan ve daha işğaldan evel inkişafı oğrunda çalışqan ekologlar iştirak ettiler.
İşleri çerçivesinde ekspertler nevbetteki yönelişlerni qayd ettiler: hakimiyet, cinaiy siyaset, icret siyaseti, vatandaşlıq siyaseti, gumanitar siyaset, informatsıon siyaset, ekologik siyaset, halqara siyaset, adalet siyaseti ve qabarcılıqqa qarşı siyaset.
‘Qırım istiqbali’ strategik forumnıñ ekspertleri tamır halqlarnıñ umumiy haqlarını közge alaraq, Qırımnıñ reintegrastıyası boyunca tevsiyelerni işlep çıqardılar ve Milliy Mecliske taqdim ettiler. Mezkür tevsiyeler Ukraina Prezindi ve munasip Ukraina devlet organlarına da yollanıldı.
