Qırım işğalinden berli artıq 10 yıl keçti. QRM taqımı bütün bu vaqıt içinde Ukraina territoriyasınıñ bütünliginiñ saqlanılması içün milliy ve halqara seviyelerde küreşmege devam etmekte.
Böyle etip, faaliyetimizniñ yönelişlerinden biri işğal etilgen Qırımda insan haqlarınıñ bozuvlarını nezaret etmek ve qayd etmektir, halqara cemaatçılıqnı yarımadadaki kerçek vaziyet haqqında haberdar etmektir.
QRM taqımı muntazam şekilde çeşit halqara meydanlarda çıqışlarda bulunmaqta. Ayrıca da:
Tamır halqlar meseleleri boyunca BMT(OON) Daimiy Forumı
İnsanlıq ölçüler boyunca OBSE her yıllıq muşaveresi
Avropa Keñeşi Parlament Assambleyasınıñ sessiyaları
Tamır halqlar haqları boyunca BMT(OON) ekspert mehanizmi
Qadınlarğa binaen diskriminatsıyanı yoq etüv boyunca BMT(OON) Komitet sessiyası
İqlim deñişmesi boyunca taraflarnıñ konferentsıyası
İnsan haqları, demokratiya ve huquq üstünligi boyunca BMT(OON) Forumı
İnsanlıq ölçüsi boyunca OBSE qoşma muşavereleri ve il.
Şundan da ğayrı, ortaqlarımıznen birlikte Vena, Dubay, Nyu-York, Jeneva, Strasburg, Şarm-eş-Şeyh, Varşava, Brüssel kibi şeherlerde Qırımğa bağışlanğan tedbirler keçirdik.
QRM ekspertleri dünyağa işğal etilgen Qırımda insan haqları bozuvları, ekosistemanıñ yoq etilmesi, qadınlar, balalar, qartlar, siyasiy mahbüslerge qarşı repressiyalar, gençler, advokatlar, rf ordusına haqsız seferberlik, zorbalıqlı qaçırmalar ve diger vaqialar haqqında tarif eteler.
Böyle faaliyetiniñ emiyeti qabaatlılarnı mesuliyetke çekmek içün pek büyüktir. Ukraina vatandaşlarına dair yapılğan her bir cinayetni qayd etmelimiz.
Qırımnı qaytarmaq ve Ukraina territorial bütünligini saqlamaq içün küreşimizni devam etmektemiz.