Qırımtatar Resurs Merkeziniñ taqımı qırımtatar halqı sürgün etilgenine 79 yıl tolğanı munasebeti ile keçirilgen ‘Hatıra ve tiklenüv’ aktsıyasında faal iştirak etti.
Hatırlatamız ki, 79 yıl evel 1944 senesi 18 mayıs künü SSSR hakimiyetiniñ emiri ile bütün qırımtatar halqı tarihiy Vatanı- Qırımdan sürgün etilgen edi.
Mezkür aktsıya çerçivesinde Grişko adına Milliy nebatat bağçasında tap 1950 senesi teşkil etilgen ‘Qırım’ adlı nebatat- coğrafik arsasında qırım çam terekleri oturtıldı.
Teşebbüske harbiyler, halq deputatları, huquqqoruyıcılar, faller ve digerleri qoşuldı.