QRM 9 avgust künü qayd etilgen Halqara tamır halqlar künü munasebetinen bütün Ukraina boyunca informatsıon-bord kampaniyasını devem ete.
Hatırlatamız ki, 9 avgustta Halqara tamır halqlar künü qayd etile. Bu kün 1994 senesi OON General Assambleyası tarafından belgilengen edi. Dünyada 90 ülkede yağaşan tamır halqlarnıñ 437 million temsilcisi bar.
Ukrainada 3 tamır halq yaşamaqta: qırımtatarlar, qaraylar ve qırımçaqlar. Zenginligimiz çeşitliligimizde olğanını añlamalımız. Faqat yazıq ki, artıq 9 yıldan berli tamır halqlar devletara çatışma şaraitlerinde bulunmaqtalar. Şundan da ğayrı, tamır halqlarnıñ vatanı – Qırım Rusiye tarafından harbiy baza ve Ukrainağa ücüm etmek içün bir meydan olaraq qullanıla.
Ukraina sakinleri Ukraina tamır halqları haqqında bilgenleri, Vatanımız bir ve serbest, bütün, mustaqil Ukrainada yaşamaq ortaq arzumız olğanını añlamalı.
Fotoda Rovno ve Çernigovda yerleştirilgen plakatlarnı köre bilesiz. İleride böyle kibi bordlarnı Ukrainanıñ diger şeherlerinde de körmek mümkün olacaq (Ternopol, Nikolayev ve il.)
#LIBERATECRIMEA kampaniyası QRM tarafından Halqara inkişaf boyunca AQŞ Agentligi ile maddiy desteklengen ‘Qoşul!’ adlı cemaat areketine destek olğan Programma çerçivesinde keçirildi. Kampaniya mündericesi Pact mesüliyetligindedir ve Halqara inkişaf boyunca AQŞ Agentligi ya da AQŞ hakimiyetiniñ noqtainazarlarını aks etmey bilir.