QRM 166 adamğa qarşı şahsiy sanktsıyalar kirsetmege teklif etti

December 24, 2022

Qırımtatar resurs merkezi işğal etilgen Qırımda insan haqlarınıñ bozuvlarını qayd etmege ve yarımadada cinayet işlegen adamlar haqqında malümatlarnı toplamağa devam ete

Qırımtatar resurs merkezi işğal etilgen Qırımda insan haqlarınıñ bozuvlarını qayd etmege ve yarımadada cinayet işlegen adamlar haqqında malümatlarnı toplamağa devam ete.

 Şunı hatırlatmaq ister edik ki, QRM ekspertleri teşkilãt saytında daima açıla bilecek diagrammanı işlep çıqardılar. Mezkür diargamma siyasiy mahbüsler, Qırımdaki tuvğanları ve faal cemaatçılarnıñ taqibine alãqası olğan şahıslar cedvellerini aks etmekte.

Şu daqqası, cinayet işlegenlerniñ cedveli 166 isimden ibaret:

1.HH (FSB) hadimleri (60 adam)

2. İİN(MVD) hadimleri( 10 adam)

3. prokuratura hadimleri (21 adam)

4. hakimler  (28 adam)

5. mahkeme kãtipleri (23 adam)

 6. Ekspertler/ekimler (15 adam)

7. FSİN hadimleri (5 adam)

8. tayin etilgen advokatlar (2 adam)

9  diger maqamlar(nazirlik, tetqiq ve il.) (2 adam)

 2021 senesi QRM işğal etilgen Qırımda insan haqlarınıñ bozuluvına alãqası olğan şahıslarnıñ 50 adından ibaret cedvelni hazırlap, Magnitskiy Aktı misalinde qanunları olğan ülkelerniñ (AQŞ, Büyük Britaniya, Kanada, Estoniya, Latviya, Litva ve AB) temsilcilerine teslim etti ve şu adamlarnı sanktsiya cedvellerine kirsetmege rica etti. Şundan da ğayrı bu mesele boyunca çetel ülkeler elçiliklerinen 5 körüşüv keçirildi.

QRM ekspertleri yarımadada cinayet işlegen şahıslar haqqında malümat toplamağa devam etmekteler.