Körüşüv vaqtında iştirakçiler rusiye tarafından qanunsız tutulğan Ukrayina grajdanları, hususan Qırım siyasiy mabüsleri ve işğalciler tarafından “inkomunikado” statusında tutulğan şahıslar aqqında malümatnı yañartmaq meselesini muzakere ettiler. Bundan da ğayrı, Koordinatsiya ştabınıñ vekillerine er bir deñişüvde Qırım siyasiy mabüslerniñ vekilleri olması pek müim olğanını hatırlattılar.
Qırımtatar Resurs Merkeziniñ toplaşuvında Qırımtatar Resurs Merkeziniñ meneceri, Qırımtatar Milliy Meclisiniñ azası Eskender Bariyev ve Qırımtatar Resurs Merkeziniñ meneceri Zarema Bariyeva iştirak ettiler.
İş körüşüvi devamında subetdeşler qanunsız tutulğan Ukrayina grajdanları, hususan Qırım siyasiy mabüsleri ve tış dünya ile alâqası olmağan “inkomunikado” statusında rusiye federatsiyası tarafından tutulğan insanlar aqqında malümatnı paylaştılar.
Böyle körüşüvler devlet organları ve uquq qoruyıcı teşkilâtlar arasında koordinatsiyanıñ müim bir qısmı ola. Malümatnıñ yañartıluvı qanunsız tutulğan şahıslar aqqında tam bir körünişniñ şekillenmesine yardım ete ve olarnıñ azat etilüvine doğrultılğan işni destekley.
Qanunsız tutulğan Ukrayina grajdanlarınıñ tuvğanları yaqınları aqqında bilgenleri ve deñişkenleri aqqında bildirmeli. Vaqıtında alınğan ve yañartılğan malümat devlet organlarına ve uquq qoruyıcı teşkilâtlarğa areketlerini daa semereli şekilde koordinatsiya etmege, insan aqları bozuluvlarını qayd etmege ve siyasiy mabüslerniñ azat etilüvine yardım etmege imkân bere, QRM qayd ete.
Qırımtatar Resurs Merkezi Ukrayina devlet organları ve halqara ortaqlarınen qanunsız tutulğan Ukrayina grajdanlarınıñ aqlarını qorçalamaq ve olarnıñ evge qaytmasını yaqınlaştırmaq içün işbirligini devam etecek.