RF Qırımnı işğal etken soñra insanlarnı qaçırmaq, öldürmek adetiy alğa çevirildi. QRM malümatlarına köre, Qırım işğali devrinde 60 adam elãk oldı, olardan 28 – qırımtatar. Bu kategoriya böyle tasnif etile:
siyasiy repressiyalar qurbanları (4, 3-qırımtatar);
diskriminatsıya qurbanları ( 13,11-qırımtatar);
terror qurbanları (30, 8-qırımtatar);
polis areketleriniñ qurbanları (13, 6- qırımtatar).
Yazıq ki, Kremlge boysunğan qırım hakimiyeti böyle vaziyetlerni tetqiq etkenlerini tek köstereler. Halbu ki, OON Rezolütsıyağa binaen, Rusiye işğalcı devlet olaraq tanıldı ve insan haqlarını amelge keçirilmesi içün mesüliyetlidir.
QRM hadimleri ve ekspertleri OON, OBSYE, PASE halqara meydanlarında halqara cemaatçılıqnı insan haqları müşkül şekilde bozulğanı haqqında defalarca bildirgen edi.
Qırımda qırımtatarlarnı ve ukraintaraflı faal cemaatçılarnı qorquzma aleti olaraq qullanılğan tutuqlama, yaqalama, qaçırma ve öldürmelerni takbih etemiz.