rusiye koloniyasında bulunğan Qırım siyasiy mabüs Ğalına Dovğopola sağlıq alı fenalaşqanı, ağır tutuv şaraitleri ve rusiye vatandaşlığından vazgeçüv muracaatı aqqında bildirdi. O, acele ameliyatqa muhtac olğanını ve sert ava ve suvuqlarğa dayanıp olamağanını ikâye etti. Dovğopolanıñ mektübini Qırımnıñ sabıq siyasiy mabüsi Vladıslav Yesipenko Facebook saifesinde derc etti.
“Niayet apishaneden bizim sındırılmağan qırımlı Ğalına Dâvgopolâdan haber keldi! Er vaqıt olğanı kibi, ondan mektüpler içün blanklardan ğayrı, başqa bir şey istemegen edi”, – Vladıslav Yesipenko dep qayd etti.
Siyasiy mabüsniñ mektübinde sert ava ve uzun suvuqlarğa dayanması qıyın olğanını qayd ete, em de emeklilik ameliyatı kerek olğanını bildire. Aynı zamanda o, öz printsiplerine sadıq qalğanını ve işğal etilgen Qırımğa qaytmağa planlaştırmağanını qayd ete.
Ğalına Dovgopolanıñ Volodımır vilâyetiniñ Golovino köyündeki №1 apishaneden mektübiniñ qısmı:
Mektübiñiz içün pek memnünim! Eger yapıp ola edim, ya siz bilse ediñiz…
Menim içün yerniñ iklimi eñ qorqunçlıdır. Bu qış suvuq altı ay devam etti! Bir daa böyle bir şeyge dayanamam, amma iç bir vaqıt körmeyim.
Ruhumnıñ küçü ile men yahşı edim, bir qarım bile eksilmedi ve 71 yaşında olğanıma baqmadan, men öz printsiplerime sadıq qaldım. Mında gençler arasında çoq dostum bar, soñki 4,5 yıl devamında (Golovinoda) maña dair munasebeti pek deñişti. Belki de, niayet samimiyligime inandılar. Er ağır (eñ ağır) şey, ğaliba keçti. Elbette, qanunnı ne şartlı azatlıqqa, ne de yerleşüv koloniyasına qullanmağa tırışsam da, başaramam (maqaleniñ neticesinde). Şimdi acele bir şekilde tibbiy ameliyatı (koksartroz) kerek. Men bellesem, bu kvotağa uymaycaq.
Sevgili Vlad qardaşım! Meni unutmağanıñız içün teşekkürler, qasevetlengenıñız içün teşekkürler! Saña pek ümütimni bağlayım. Men Qırımğa barmaycam, tam bir noqta. 2025 senesi ilk qış ayında moskvağa rusiye grajdanlığından vazgeçüv muracaatını yolladı. Yaqında bir cevap aldım, amma “e” ya da “yoq” dep yazılmadı.
Vlad, men seni Vatanımızda quçaqlamağa ümüt etem!
Soñuna qadar. Er keske büyük bir selâm! Tutulıñız, yanıñızdam! P.S. Daa bir qaç blank berip olasız?
Siziñ Ğalınañız.
Hatırlatamız: 2019 senesi Aqyarda devlet hainliginde şübeli sayılıp, Ukrayina grajdanı tutuldı, o, ukrayin mahsus hızmetleri tarafından işke alınğan ve Ukrayina Mudafaa nazirliginiñ Baş istihbarat idaresi vazifesine köre arbiy hususiyetli gizli malümat toplağan eken.
Qadın 2020 senesi qara qış ayınıñ 26-na qadar eki ayğa apishanege alındı.
Soñra, tutulğan Ukrayina grajdanı Dovğopola Ğalına Pavlivna Aqyar şeeriniñ 64 yaşındaki sakini olğanı belli oldı.
2021 senesi saban ayınıñ 29-nda Aqyar şeer “makemesi” qadınnı 12 yıl umumiy rejimli koloniyağa ,azatlığı 1 yılğa sıñırlap, maküm etti.