2024 senesi Qırım platformasınıñ parlament sammiti Ukraina tışında, yani Latviyada keçecek.
Hatıratamız ki, Qırımtatar Resurs Merkezi Qırım Platformasınıñ teşebbüsçilerinden biridir. QRM temsilcileri Qırım Platforması ekspert ağınıñ yedi iş gruppasından ekisiniñ başında turmaqtalar: ‘Tamır halqlar haqlarınıñ yañıdan tiklenilmesi Qırımnı işğalden azat etmekniñ aleti olaraq’ ve ‘İqtisadiyat ve ekologiya’.
Kerçekten, em Qırım platforması, em de onıñ ayrı strukturalarınıñ sabit, stabil faaliyetiniñ temin etilmesi Ukraina ğalebesini yaqınlaştırır ve barışıqnı tezleştirir. Şu sebepten de QRM ‘Ğalebe ve sabit inkişafnıñ tiklenmesi içün grajdan cemiyet’ adlı leyhanı başladı.