Bazarertesi künü, 13 mayısta saat 11.30-da Ukrain krizis merkezinde QRM ve ‘Qırım istiqbali’ Strategik Forumnıñ ekspertleri Qırım Platformasınıñ Ekspert ağı içün iç siyaset leyhalarını taqdim etecek.
Siyasetler arasında:
Halqara Qırım paltforması Ekspert ağınıñ reglamenti
Ekspertlerni celp etüv siyaseti
Diskriminatsıyasızlıq ve musaviylik siyaseti
Ekspert işiniñ taqriz etüv siyaseti
Ekspert işine qıymet kesüv siyaseti
Ekspert işiniñ fiyatını şekillendirüv ve planlaştıruv
Qırım Platformasınıñ Ekspert ağı içün iç siyaset leyhaları QRM ekspertleri tarafından işlep çıqarıldı ve ilk amelge keçirme deñemesini ‘Qırım istiqbali’ III Strategik forumında keçtiler.
İleride iç siyasetler leyhaları Qırım platformasınıñ Ekspert ağında muzakere etilip, soñra amelge keçirilecek.
Matbuat konferentsıyanıñ maqsadı ukrain cemaatçılıqnı Qırım Platformasınıñ işini daha mahsuldar ve faydalı yapmaq maqsadınen institualizirmek kerekligi haqqında haberdar etmek.
Spikerler:
Eskender Bariyev- Qırımtatar Resurs Merkeziniñ reisi, qırımtatar Milliy Meclisiniñ çetel işler ve huquq meseleleri boyunca idaresiniñ başı;
Lüdmila Korotkih- QRM yuristi;
Boris Babin- professor, yuridik ilimler doktorı, advokat, QRM eksperti;
Vladimir Lãşenko – Qırım Muhtar Cumhuriyeti ve Aqyar şeherinde televideniye ve radio meseleleri boyunca Ukraina Milliy keñeşiniñ temsilcisi;
Yevgeniy Hlobıstov- professor, iqtisadiy ilimler doktorı, Qırımnıñ sabit inkişafı ve etraftaki tabiatnı qoruv meseleleri boyunca Ekspert keñeşiniñ azası, ‘Ekologiya ve iqtisadiyat’ iş gruppasınıñ yolbaşçısı;
Konstantin Zaharenko- M.Dragomanov adına Ukrain devlet universitetiniñ siyasiy psihologiya ve halqara munasebetler kafedrasınıñ professorı, advokat;
Moderator: Tatyana Savçuk- QRM kommunikatsıya meneceri
Tedbir QRM-niñ Facebook saifesinde numayış etilecek.
Bağlantılar: [email protected], 067343 7454