‘İşğalcı hakimiyetniñ taqiplerinden dolayı qırımtatarlar öz evlerini, Qırımnı terk etmege mecbur qalalar. Ukrainağa qarşı cenkte savaşmaq içün başlatılğan qısmiy seferberlik vaziyetni fenalaştırdı. Bugünde bugün 150 yaqın adam HFH(FSB) zindanlarında, hem Qırım, hem Qırımdan tış yerlerde bulunmaqta. 2022 senesi fevralniñ 24-ne qadar 30000 –ge yaqın adam işğal etilgen Qırımnı terk etti. Rus-ukrain cenki sebebinden ve rus ordusınıñ cinayetlerine ortaq olmağa istemegenlerinden qırımtatarlar 3-ünci ülkelerge ketmege mecburlar’,-dedi o.
Zarema Bariyeva dergini Qırımtatar resurs merkeziniñ faaliyetinen tanış etti. Teşkilãt öz tarafından Qırım Ukrainağa qaytması içün, territorial bütünligini tiklemesi içün elinden kelgenini yapa. Bu da dünyadaki tertipni qaytarmaq içün pek emiyetlidir. Bunıñ içün de nevbetteki faktorlar bar:
- 1 ukrain siyasetçilerniñ birleşmesi
- 2. ukrain cemaatınıñ birleşmesi
- 3. dünya devletlerniñ Ukrainanen birleşmesi
Menecer qayd etkeni kibi, qırımtatarlar Ukraina silãhlı küçleri ve göñülli batalyonlarnıñ tarafında bulunalar. QRM bildirgenine köre 500 qırımtatar Ukrainanı rusiye ordusından qorçalamaqta.
‘Bugünde bugün öyle vaziyet közetile ki, Qırımnı işğalden harbiy- diplomatik usul ile azat etmek mümkün. Bunıñ içün de USK-niñ uzaq atqan silãhları, Qırımda işğalcılarnıñ harbiy bazalarını yoq ete bilecek silãhları olmaq kerek,’- qayd etti o.