Qırımtatar Resurs Merkeziniñ İdare Reisi, Qırımtatar Milliy Meclisiniñ azası Eskender Bariyev KŞDU Media intervyüsinde işğal etilgen Qırımda yaqıt qıtlığını izaatlap, berilüv meseleleriniñ sebepleri ve yarımada sakinleri içün aqibetlerini qayd etti.
Bariyevniñ aytqanına köre, bugün yarımadanıñ çoq benzin stantsiyasında yaqıt bayağı sıñırlı şekilde berile, bazı yerlerde onı esasen uquqiy şahıslar ala bileler.
“Qırım ve Aqyarğa yaqıt ketirüvinen bağlı vaziyet kerçekten de kergin qala. Bazı benzin stantsiyalarında insanlarğa yalıñız bir qaç litr benzin berile – kerçekten de, evge ketmek içün yeterli qadar. Uzaq mesafelerde areket etmek daa zor”, – dep añlattı.
Bariyevniñ fikirince, bu qıtlıqnıñ esas sebeplerinden biri – Mariupol – Melitopol – Simferopol marşrutında uçucısız uçaqlarnıñ faaliyeti sebebinden logistik qıyınlıqlar.
Tek arbiy degil de, grajdan tehnikası, şu cümleden benzin vagonları ve yük maşnaları da zarar köre. Bu, aydayıcılar içün telüke yarata, yüklerniñ ketirilmesini toqtata ve Qırımnıñ yaqıt teminlevine tesir ete”, – ekspert dep qoştı.
O, rusiyeniñ cermay teminlevi astyapısına yapılğan ücümlerniñ tesirine ayrıca diqqat çekti.
“rusiye federatsiyasınıñ farqlı regionlarında cermay zavodlarına qarşı muntazam ücümler saasındaki zıddiyetni daa da ağırlaştıra. Bu bütün temin etüv zıncırına tesir ete. Bundan da ğayrı, yanğın Kefedeki cermay bazasına da zarar ketirdi, anda yaqıtnıñ pompalavınen bağlı astyapı zarar kördi”, – Bariyev dep qoştı.
Qırımdaki büyük rusiye federal benzin stantsiyalarınıñ ağı olmağanı ve büyük naqliyat areketiniñ sıñırlanması sebebinden arta – Eskender Bariyev da qayd etti.
“Qırım territoriyasında, işğalden evel de bar olğan, esasen yerli operatorlar çalışa. Federal ağlar yarımadağa kirmege acele etmey, hususan işğal etilgen topraqta çalışqanları içün ceza telükesi bar.
QRM-niñ İdare Reisi aytqanına köre, yaqarlıq buhranı Qırım iqtisadiy vaziyetine tesir ete.
Bu ise fiyatlarğa pek tesir ete. Aşayt malları, qurucılıq malzemeleri ve diger mallar paalılaştı. Logistika paalılaşmaqta, benzin yetmey, ve bunıñ neticesinde eali içün qoşma meseleler peyda ola”, – QRM-niñ İdare Reisi dep yekünledi.